Ads 468x60px

Featured Posts

Wednesday, February 26, 2014

*****අඩුම වියදමෙන් වැඩිම කළු සුදු ප්‍රින්ට් අවුට්*****


                                                       සුභ දවසක් වේවා යාළුවනේ......මමත් යුරේකා කියාගෙන පාරේ දුවන්න තරම් සතුටක් දැනෙන සොයා ගැනීමක් කළා........හොයා ගත්ත දේ තනියම භුක්ති විඳින එක හොඳ නැති නිසා මගේ අප්‍රසිද්ධ බිලොග් එකට අහම්බෙන් එන යාළුවන්ට දැනගන්න මගේ සොයා ගැනීම මෙහෙම පලකරන්න හිතුනා......විස්වාසයෙන් කියන්න පුළුවන් මේක පළවෙනි වතාවට අන්තර්ජාලයට එක්කරන්නේ මම කියලා......මොකද කියනවනම් මේ පොස්ට් එක දාන්න  කළින් මම ගූගල් දෙයියන්ගෙන් අහලා බැලුවා මේ ගැන මට කලින් කවුරු හරි කියලා තියෙනවද කියලා......ගූගල් නම් කිවුවේ නෑ කියලා...ඒ නිසා මම මේක දාන්න තීරනය කරා..............

                                      මෙහෙමයි කාරනේ.........මම පාවිච්චි කරන්නේ Canon ip2772 වර්ගයේ කලර් ප්‍රින්ටරයක්.............මොකද කියනවනම් මට ලේසර් ප්‍රින්ටර් ගන්න තරම් වත්කමක් නැ.......ඒ නිසා ඉතිං වෙළඳපළේ මිල අඩුවටම තිබුනෙ මේ ප්‍රින්ටරය නිසා මිලදී ගත්තා...........


ඔය උඩින් තියෙන්නේ අදාල භාණ්ඩේ තමයි....පහසුයි ලේසියි හුරුබුහුටියි....................මම ගත්තේ රුපියල් 4700/= කට.....දැන් ඊටත් වඩා අඩු ඇති.........පොඩි පරහකට තියෙන්නේ කාට්‍රිජ් දෙකම අළුතෙන් දාන්න නම් ප්‍රින්ටරේ ගන්න යන ගානම වගේ යනවා................මට ගොඩක්ම ඔනේ කරන්නේ කලර් ප්‍රින්ට් ගන්න නෙවෙයි.........මම වැඩිපුරම කළු සුදු පිටපත් තමයි ගන්නේ.........ඒ නිසා බ්ලැක් කාට්‍රිජ් එක ඉක්මනින් ඉවර වුනා........රීෆිල් කරන්න ඇහුවාම රුපියල් 300ක් ඕනෙ කිවුවා.....මොක මඟුලක්ද යකෝ....එපා වෙනවනේ.........රුපියල් 300ක් දීලා රිෆිල් කරලා කොපි 200ක් විතර ගහනකොට කාට්‍රිජ් එක ඉවරයි......හැබැයි ඉතිං ලාභෙ රුපියල් 350 ක් විතර තියෙනවා..........ලොකුම හේතුව ඒක නෙවෙයි......දවස් 10කට සැරයක් විතර මගේ ප්‍රින්ටරේ බ්ලැක් කාට්‍රිජ් එක ඉවර වෙනවා......ඒක රීෆිල් කරන්න කිලෝමීටර් 12ක් විතර පුට් සයිකලේ පදිනවා........මොන මඟුලක්ද කියලා ගත්තා රුපියල් 1500ක්ම දීලා රීෆිල් කිට් එකක්................මෙකෙන් ඉතිං මාස තුනක් විතර වැඩේ රවුම් කර ගත්තා..........වාසනාව කියන්නේ කොච්චර රීෆිල් කලත් තාම කාට්‍රිජ් එක එළකිරි වගේ වැඩ.........පස්සේ මට හිතුනා පොඩි පරීක්ෂණයක් කරන්න.........ප්‍රින්ටරේ අරන් මාස 6 ක් විතර පිටින් රීෆිල් කළා..........තව මාස 6 ක් විතර රීෆිල් කිටි අරගෙන ගෙදරින්ම රීෆිල් කළා............පස්සේ ඉරිදා දවසක කාට්‍රිජ් එක ඉවර වුනා.....මඟුලයි....රීෆිල් කිට් එකත් ඉවරයි......ඉරිදා නිසා කඩත් වහලා.....හදිස්සි ප්‍රින්ට් අවුට් 200 ක් විතර තියෙනවා සඳුද වෙනකොට ඉවර කරන්න.......මල කරුමයක් තමයි වෙන්න යන්නේ කියලා කල්පනා කර කර ඉන්නකොට අහම්බෙන් වගේ දැක්කා තාත්තගේ පරණ සියල් පෑන පුරවන තීන්ත කූඩුව......සියල් කියන්නේ පෑනේ බ්‍රෑන්ඩ් එක හොඳෙ...........පොඩි පරීක්ෂාවක් දාලා බැලුවා.....තීන්ත වර්ග දෙකේම ඝණත්ව එක සමානව වගේ තියෙනවා.....ඕන දෙයක් වෙච්චාවේ කියලා වෙනද රීෆිල් කරන විධියටම හීරෝ පෑන් තීන්ත වලින් රීෆිල් කරලා බැලුවා.............කිරි අප්පට බල්ලෝ පැනපි කිවුවලු...............මෙන්න වෙනදා වගේම කස කස ගාලා වදිනවා ප්‍රින්ට් අවුට්.............ගුණාත්මක බවෙත් කිසි අඩුවක් නෑ.....

                                                                 

ඔය උඩින්  තියෙන්නේ දැන් ටිකකට කලින් ගත්ත ප්‍රින්ට් එකක්.......පින්තූරේ උඩ ක්ල්ක් කරලා ලොකු කරලම බලන්නකෝ...............දැන් සමහර උදවිය කියයි මේ ක්‍රමේ ප්‍රින්ටරේට හොඳනෑ.....කාට්‍රිජ් එකට හොඳනෑ කියලා........ඒත් ඉතිං මට කියන්න තියෙන්නේ දැන් මාස හය හතක් තිස්සේ මම ප්‍රින්ට් ගන්නෙ මේ ක්‍රමයට කියන එක විතරයි...............මගේ යාළුවෝ කීපදෙනෙක්ගේ ප්‍රින්ටර් වලටත් මේක කරලා බැළුවා.......එළ කිරි වගේ වැඩ..............හැබැයි ඉතිං Standard quality එකෙන් නම් ප්‍රින්ට් ගන්න කොට පොඩි පොඩි අවුල් එනවා........කොහොමත් කාට්‍රිජ් එකක් දෙපාරක් විතර රීෆිල් කලාම Standard quality එකෙන් ප්‍රින්ට් ගන්න බෑ....High  quality දාන්නම වෙනවා.............වගකිමෙන් කියනවා හීරෝ තීන්ත වලින් හරි ආකාරයට රීෆිල් කලොත් ඔරිජිනල් තීන්ත වලින් ගන්න ප්‍රින්ට් එකක් වගේම ගුණාත්මක භාවයෙන් යුතු ප්‍රින්ට් එකක් ගන්න පුළුවන් කියලා...............හීරෝ තීන්ත බෝතලයක් කඩේ රුපියල් 55 ක් වගේ ගානකට ගන්න පුළුවන්.........මේ එක බෝතලයකින් දහ පාරක් විතර රීෆිල් කරන්න පුළුවන්............shop එකක් කරන කෙනෙකුට නම් පට්ටම චාන්ස් එක............ලේසර් ප්‍රින්ටරයකට වඩා ලාභයි...............






තව දෙයක් තියෙනවා......මේ වැඩේ Canon ip series ප්‍රින්ටර් වලට විතරයි තාම කරලා බැලුවේ....ඒවලට නම් ප්‍රශ්නයක් නෑ.......වෙන ප්‍රින්ටර් වලට නොකර ඉන්නවනම් තමයි හොඳ.......
    
                                                              එහෙනම් ගිහින් එන්නම්...........
                                                                      බුදුසරණයි!!!!!!





*****උපසිරැසි සමඟ ඩී.වී.ඩී ප්ලේයරයෙන් බලන්න ෆිල්ම් කන්වේට් කරගන්න*****

                                                 
                                                   හොඳයි යාළුවනේ.....මම අද දෙන්න හදන්නේ සුපිරිම භාණ්ඩයක්.....අන්ලිමිටඩ් කළකිරුනත් ඉතිං අපේ අයියලා කොහෙන් හරි ෆිල්ම් බාගන්නවනේ........එහෙම බාගෙන බලනකොට සබ් එහෙම දාගෙන ලස්සනට බලන්න කවුරුත් කැමති ඇතිනේ........කොම්පීතරෙන්නම් ඕවා ලස්සනට බලන්ල පුළුවං....ඒත් සමහර වෙලාවට කොම්පීතරේ ඉස්සරහ ඉඳගෙන ෆිල්ම් බලනවා කියන්නේ අමු වහක්.......මට එහෙම වෙච්ච අවස්ථා එමටයි.........සමහර විට ඔයාලටත් එහෙම ඇති කියලා හිතනවා......මේ පෝස්ට් එක එහෙම අයට තමයි දෙන්න හදන්නේ......

                එහෙනම් නමෝ විත්තියෙන් වැඩේට බහිමු නේද....මේ වැඩේ එළකිරි වගේ සුපිරියටම කරගන්න නම් අපට සොෆ්ට්වෙයා දෙකක සහය පතන්න වෙනවා......පළවෙනි එක තමයි
SUBTITTLE EDIT කියන සොෆ්ට් එක.....මේකෙන් අපි කරන්නේ සබ් ෆයිල් එක අපට අවශ්‍ය විධියට හදාගන්න එක......එහෙනම් පහළින් බාගන්නකෝ ඉක්මනට.............බයවෙන්න දෙයක් නෑ 4.36 MB විතර පොඩි එකක්.......බාගෙන ඉන්ස්ටෝග් කරන්න දේකුත් නෑ Portable එකක් තමයි තියෙන්නේ......බාගත්තා ඊට පස්සේ  සිප් එක ඇරගෙන වැඩ ගන්න තමයි තියෙන්නේ.......fu#&:'හී.....සිප් එක කිවුවේ ෆයිල් එක තියෙන Rar එකේ හොඳ්....මෙන්න ලින්ක් එක....
                                                       SE protable
         
                                                          දැන් හරි.....සොෆ්ට් එක ඕපන් කරගෙන ඔයා ලඟ තියෙන Srt හෝ Ssa සබ් ෆයිල් එක ඇදලා සොෆ්ට් එකට දාගන්න.....එතකොට පහළ ඉමේජ් එකේ තියෙන විධියට ඕපන් වෙයි......


හරි....දැන් කරන්න තියෙන්නෙ මේක අපට ඕන විධියට හදාගන්න එකයි......හැබැයි ඉතිං ඕන විධියට හදනවා කියලා සබ් එක හදපු මනුස්සයගේ නමත් එක්කම මකල දාලා ඔයාගේ නම ගහගන්න එහෙම එපා.....කතෘ අයිතිය එහෙමම තියෙන්න ඇරලා අපි අපේ වැඩේ පාඩුවේ කරගමු......දැන් තියෙන වින්ඩෝ එකේ උඩම තියෙන බාර් එකේ Option කියල ටැබ් එකක් තියෙනව පේනවා ඇති......Option click කරලා Settings කියන වින්ඩෝ එක ඕපන් කරගන්න......එතකොට පහල විධියට දිස්වෙයි.....


මේ ආපු වින්ඩෝ එකේ Ssa style කියල ටැබ් එකක් ඇති.....ඒක Click කරන්න.........


මෙතන තියෙනවා Font size කියල ටැබ් එකක්.....ඒක Click කලාම එන වින්ඩෝ එකේ පහල පරිදි වෙනස් කම් කරගන්න....


දැන් ඉතිං අපට ඕන විධියට හදාගෙන ඉවරයි...........ඊළඟට කරන්න තියෙන්නේ මේ වින්ඩෝ එක Ok කරලා අපේ ෆයිල් එක Sub Station Alpha කියන ෆෝමැට් එකෙන් සේව් කරගන්න එකයි....

Filele කියන ටැබ් එකට ගියා save as තේරුවා ඊළඟට එන වින්ඩෝ එකේ Save as type කියන තැනට Sub Station Alpha තේරුවා සේව් කරගත්තා.......



ඊළඟට ඔයා බාගත්ත ෆිල්ම් එක තියෙන ෆෝල්ඩර් එකේ තියෙන අනිත් සබ් ෆයිල් ඔක්කෝම ඩිලීට් කරලා අපි මේ හදපු සබ් ෆයිල් එක විතරක් තියාගන්න.......සබ් ෆයිල් එකත් ෆිල්ම් එක තියෙන නමින්ම රී නේම් කරගන්න.....එතකොට පහළ විධියට තියෙන් ඕන...


දැන් වැඩේ 75% ඉවරයි.....ඊළඟට අපේ සුපිරි භාණ්ඩේ බාගන්නයි තියෙන්නේ...........මේ සොෆ්ට් එක Sothink video converter.........මම අත් දැකපු විධියට නම් මේ සොෆ්ට් එකෙන් තරම් වෙන කිසිම සොෆ්ට් එකකින් මේ තරම් ගුණාත්මක ප්‍රතිඵළ ලැබිලා නෑ......සිංහල යුනිකෝඩ් නියම ආකාරයෙන්ම කන්වර්ට් වෙනවා.........වීඩියෝ වල ගුණාත්මක භාවයත් එහෙමයි.....තිරය පුරා පේන විධියට Stretch කරලා කන්වර්ට් කරගන්නත් පුළුවන්.......මෙතනින් බාගන්න......



දැන් වැඩේ හරි.....සොෆ්ට් එක ඕපන් කරලා ෆිල්ම් එක ඇදලා දාගන්න....එතකොට ඉහල විධියට පෙන්නාවී...පහත විධියට Encoding Prifile එක හදලා Convert ​බට්න් එක Click කරලා ටිකක් වෙලා බලාගෙන ඉන්නයි තියෙන්නේ........බලාගෙන ඉන්න ඕන වෙලාවත් මෙකේ පෙන්වනවා.........



අන්තිමට ඉතිං එළකිරි වගේ පෙන් එකට කොපි කරලා ඩී.වී.ඩී ප්ලේයර් එකට හරි ටී.වී එකට හරි පෙන් එක ගහලා වාඩිවෙලා බලන්නයි තියෙන්නේ.........ඕනම නම් ඉතිං නිදාගෙන උනත් බලන්න පුළුවං......බ්ලොග් එක අළුත් නිසා බලන පිරිස අඩුවෙයි........කවුරු හරි අහම්බෙන් වගේ පෝස්ට් එක දැකලා පොඩි හරි ප්‍රයෝජනයක් ගත්තනම් පොඩිවටම Comment එකකුත් දාගෙනම යන්න.......එතකොට හිතට පොඩි හයියකුත් එනවනේ.......
                             
                                                   එහෙනම් ගිහින් එන්නම්..........
                                                            බුදුසරණයි!!!!

      තව ටිකෙන් අමතන වෙනවා..............වීඩියෝ කන්වර්ටර් එකේ ක්‍රැක් එක දෙන්න අමතක උනානේ.....
මෙන්න එහෙනම් බාගන්න.......සොෆ්ට් එක ඉන්ස්ටෝල් කරපු තැනට ක්‍රැක් එක කොපි කරාම වැඩේ හරි.....

                                                      Sothink video converter Crack

පින්තූර නොපෙනේ නම් ඒ මත Click කරන්න....

                                                                    




*****නිවත්තකචේතිය විදු මෑණි සැරඳේ*****









facebook page Niwathtakachethiya M.V,Anuradhaura

Thursday, July 18, 2013

අන්ලිමිටඩ් කළකිරීම.....(අනාගතය අදයි)....සියළුදෙනාගේ හිත සුව පිණිස!!!!!!

ආයිබෝං..........අද මේ ඇත්තෝ දොඩන්න හදන්නේ අපේ සනුහරේටම කෙළවුන දෙයක් ගැන....
                           අපි ජීවිකාව ගැටගහගෙන යන ගම් පොජ්ජේ 3g සිග්නල් අඩුපාඩු කම් නිසා ඔය අනිත් ඇත්තෝ මන්ද කොරන කනෙක්සන් පොජ්ජවල් අපිට බාවිත කොරන්ඩ බෑ නෙව.....ඒ නිසා මම අම්මිල ඇත්තන්ගෙන්(අම්මගෙන්)රුපියල් 1500 කුත් මන්ද කොරාගෙන සිදාදියේ අනාගතේ අද ගොඩනැගිල්ලට මංගැච්චුවා........අන්ලිමිටඩ් කනෙක්සන් පොජ්ජක් ගන්න හිතාගෙන.......එතැන හිටපු නෑනි(නෝනා)පුරසාරම් දොඩලා ඉවර උනාම මං ඉතිං මම ආපු කාරනාව ඒ ඇත්තිට දෙඩුවා........ඊට පස්සේ ඒ ඇත්තී රුපියල් 690 කට අන්ලිමිටොඩ් පැකේජ් පොජ්ජක් තියෙනවා කියලා දෙඩුවා.......ඒක ඇහුවා විතරයි මේ ඇත්තගේ හදුංපොතේ මල් පිපෙන්න පටං ගත්තා......ඇයි යකඩෝ වෙන මොන යකාද 690 කට අන්ලිමිටඩ් දෙන්නේ.......ඕං ඉතිං හැදුනුම්පත් පොජ්ජ එහෙම දීලා අත්සං කාරිය කොරලා ගත්ත නෙව අන්ලිමිටඩ්  ඉන්ටනෙට්................ඊට පස්සේ මේ යෝදි ගත් තටටම කියපි......''සෑර් මේ පැකේජ් එක 690 කියලා තිබුනට මේකට 740ක් ගෙවන්න ඕනේ'' කියලා....ඒත් කමක් නෑ අන්ලිමිටඩ්නෙ කියලා මේ ඇත්තෝ කැළෑ පෝජ්ජට මංගච්චන්න නැගිටින්න හදනකොටම මේ ඇත්තී 3GB පැන්නහම ස්ප්‍රීඩ් එක ටිකක් අඩු කරනවා කියපි..........කාරියක් නෑ නෝනෙ..........මං මේ ඩවුංලෝඩ් කාරියට එහෙම නෙවෙයි....බිලොග් කාරිය එහෙම මන්ද කොරන්න තමයි මේක ගත්තේ කියලා පිටවෙලා අයෙත් ගං පොජ්ජට මංගැච්චුවා......අම්මිල ඇත්තෝ දීපු 1500 අහවරයි........ඩිපොසිට් 1000යි සිම් එකට 500 යි...............ජොංගල් පොජ්ජ එහෙම ගහල මේ ඇත්තෝ කාරිය පටං ගත්තා......වේගේ අඩුවෙන්නේ 3ජීබී පැන්නාමනේ කියලා දැම්මා හොඳ ලොකු සයිස් වලින් ෆිල්ම් 3ක්ම ඩවුන්ලෝඩ් වෙන්න.....පැය 4ක් විතර යනකොට තුනම යස අපූරුවට බෑවුනා.........ස්පීඩ්නම් සුපිරි කියල හිතාගෙන ආසාවටත් එක්ක ගියා මුළු දවසම ඉන්ටනෙට්.....පහුවදා තමයි අර ඇත්තිලාගේ සනුහරේම මතක් කොරන්න හිතුනේ..........ආවා මැසේජ් එකක් උඹේ 3ජීබී පැන්නා....අපි දැන් මේකේ වේගේ අඩුකරන්න හදන්නේ කියලා.......අඩුකරා තමයි......බිලොග් තියා ඉමේජ් එකක්වත් ලෝඩ්වෙන්නෑ........ඉතිං මක්කොරන්නැයි......මුලු මාසෙම ඔය විදිහට වැඩේ කරගෙන ගියා.........හරියටම මාසේ සම්පූර්ණ වෙලා දවස් 4කින් බිල් පෝජ්ජ ලියුම් මාමා අතේ එවල තිබ්බා......අප්පිල ඇත්තන්ගෙන්(තාත්තාගේන්) 740ක් මන්ද කොරාගන්න යන අතරේ නිකමට වගේ බිල් පොජ්ජ දිගෑරලා බැලුවා........මයෙ අප්පේ හදුංපොත හෝස් ගාලා ගියා..............අරකී කිවුවේ 740යි......මේං මේකේ රුපියල් 1480ක් වෙච්චී.......මුන කිරි ගොජ්ජක්(පොල්ගෙඩියක්)විතර කොරගෙන ගියා ආයෙත් අනාගතේ අද ගොඩනැල්ලට.........ගිහින් දෙඩුවා මේ අවනඩුව ගැන..........හිතක් පපුවක් නැතුව එතන හටපු හූරා(මහත්තයා)දොඩපි පළවෙනි බිල් එක මෙහෙම කමයි කියලා.......අනෙ අප්පේ ඉතිං කාට කියන්නද මේ අවනඩුව.....ගමේ පණ්ඩකාරි හූරට(ග්‍රාමසේවකට)දොඩල වැඩකුත් නෑ........මක්කොරන්නද.....ගෙදර ගොහිං සිම් පොජ්ජ විකාදානවා(කාලා දානවා)කියලා හිතාගෙන පයින්ම ගෙදරය මංගැච්චුවා.....

Friday, June 21, 2013

කෙටි කථා එළිදැක්ම

ගොඩක් අමාරුවෙන් තමයි මේ දවස් වල බ්ලොග් එකට පෝස්ට් දාන්නේ.....ඒ මොකද කිවුවොත් මේ දවස් වල ගොඩක් කාර්ය බහුලයි......විභාගේ අත ලඟ...

ඒත් කමක් නෑ කියල මේ පෝස්ට එක දාන්න හිතුවෙ යොවුන් විය ගත කරන අපේ යාළුවන්ට ආදරය කියන්නේ මොකක්ද කියල පොඩි හරි අදහසක් ගන්න මේක ගොඩක් වැදගත් වෙයි කියලා හිතුන නිසයි.....

මම දැන් මෙතන ආදරය කරන්න උපදෙස් දෙන්න යන්නේ නෑ..........                    මේ කියන්න හදන්නේ අපි වගේම තරුණ අපේ සහෝදරයෙක් එලි දක්වපු ලස්සනම ලස්සන පුංචි ආදර කෙටි කථා දෙකක් ගැනයි....මේ කෙටි කථා දෙක එලිදක්වලා දැනට දවස් 10ක් විතර වෙනවා.......මේ වෙනකොට මේ පොත් දෙක පිළිබඳව ඉතා උසස් තත්වයේ ප්‍රතිචාර ලැබිලා තියෙනවා........

කතෘ ගැන කියනවනම් ඔහු කුඩාකළ සිට ගමක හැදුනු වැඩුනු හොඳින් හැගීම් දැනීම් හඳුනන පුද්ගලයෙකි......සහෘද හදවත් අමන්දානන්දයටට පත් කීරීමේ හැකියාව කුඩා කළ සිටම රැගෙන ආ මොහු පාසල් අවදියේ සිටම නව කථා කෙටි කථා රචනා කිරීමෙහි ලා අති දක්ෂ කම් දැක්වූ අයෙකි......අද වන විට ඔහු මෙතෙක් ලැබූ අත්දැකීම් සමුදායක ප්‍රථිපලයක් ලෙස කෙටි කථා දෙකක් සහෘද හදවත් වෙත පිරිනමා ඇත......නමින් ඔහු දීප්ති ජයරත්න


කියවීමට රුචිකත්වයක් දක්වන සියළු දෙනාට පහත සඳහන් දුරකථන අංකයට අමතා මෙම පොත් නිවසටම ගෙන්වා ගත හැක





පොත් නිවසට ගෙන්වා ගැනීම සඳහා අමතන්න දීප්ති:-072 4732741


එහෙනම් යාලුවනේ ඔන්න මම ගියා......ආයෙත් ලඟදීම දවසක හන්බ වෙමු.....ඔක්කොටම බුදුසරණයි!!!!!

Tuesday, March 19, 2013

තැඹිළි හොරු


යාළුවනේ මේ කථාව ලියන්නෙ අපෙ යළුවෝ සෙට් එකට වෙච්ච සිදුවීමක් පදනම් කරගෙන.මේ කියන්නෙ සුරංගනා කථාවක් එහෙම් නෙවෙයි.මේක සත් ඇත්ත කථාවක්.මේ අපිට වෙච්ච සිදුවීම් වලින් එකක් පමනයි.තව තව දෙවල් ඉස්සරහට කියනවා.
         
                 හරි එහෙනම් දැන් කථා නැතුව කථාව කියන්න පටන් ගන්නම්...................මෙහෙමයි සිද්ධිය,ඔන්න එක දවසක් අපේ යාළුවෝ සෙට් එක ඉස්කෝලෙ ගිහින් නැවත බොඩිම බලා පිටත් උනා.ඔය එන ගමන් මට ලාවට වගේ ඇහුනා මුන් ටික මොකක්ද තැඹිලි සීන් එකක් ගැන කතා වෙනවා.මම ඉතින් වැඩිය ගනන් ගත්තේ නෑ.මම හිතා ගත්තා මුන් ඔයා පාරේ එනකොට දැකපු මොකක් හරි ගැන වෙන්නැති කතා වෙන්නේ කියලා.ඔහොම ඉතින් අපි බෝඩිමට අවා.අපි වෙනදා සේම ඇවිත් කාලා බීලා එහෙම ඔන්න දැන් බොසක් කපන්න පටන් ගත්තා.එතකොට ඔය කථා අස්සෙම මම දැක්කා අපේ සමනා ඉස්ටෝරු කාමරේ පැත්තට යනවා.වෙලාව හවස 6.00 විතර ඇති.ඒකා  කාමරේ මොනාදෝ පෙරලන සද්දෙකුත් ඇහුනා.මොනා හරි හොයනවා ඇති කියලා මම පාඩුවේ හිටියා.
                   
                     ඔන්න දැන් ටික ටික රෑ උනා.අපි රෑටත් කාලා නිදා ගන්න සෙට් උනා.නිදා ගන්න ගියාට මොකද අපේ එවුන් හතට විතර ඇඳට ගිහින් එවුන් එක එක වැඩ ඇඳ උඩ.ඇත්තටම නිදියනකොට රෑ දහය විතර වෙනවා.මම නම් ඉතින් ඇඳට ගියා විතරයි නිඳි.අටහමාර විතර වෙනකොට මට හොඳටම නින්ද ගිහින්.මට තියෙන නිදිමතේ හැටියට ආයේ රත්තරං වහිනවා කිවුවත් නැගිටින්නෙනම් නෑ.ඔහොම ඉතින් නිදගෙන ඉන්න අතරතුරේ මට ඇහුනා දිස් දිස් ගලා අපේ එවුන් ඇඳට වැටෙන සද්දේ.මම හිතුවේ මොකෙක් හර් එකෙක් චූ කරන්න ගිහින් එන්න ඇති කියලා.
                         දැන් ඔන්න එළි උනා.අපේ බෝඩිමේ ඇන්ටී එළිය වැටුන ගමන් නැගිටපියෝ කියලා බෙරිහන් දෙනවා.......අද කවදාවත් නැතුව  අපේ කාමරේටම ඇවිත් හිමීට කතා  කළා.අපිත්  ඉතින් පුදුමයක් නිසා නැගිටලා ඇයි ඇන්ටී කියල ඇහුවා ...........පුතා බලන්නකෝ ඊයේ රෑ එහා ගෙදර අන්කල්ගේ වත්තෙන් කවුදෝ හොරෙන් තැඹිළි කඩලනේ……….කියලා ඇන්ටී කිවුවා.මටනම් ඉතින් ගානක් නෑ..හැබැයි අපේ එවුන් ටික මූනෙන් මූන බලා ගත්තා.මට හිතුනා දැන්නම් මොකක් හරි හෙන ගෙඩියක් පාත්  වෙන්න තමයි  හදන්න් කියලා.එතකොටම ඔන්න එකෙක් කතා  කරන සද්දේ ඇහුනා.බැලින්නම් අල්ලපු ගෙදර  එකා.සපත්තු කුට්ටම් දෙකකුත් අරන්ම අවිත්.අපෙන් අහුවා මේවා කාගෙද කියලා.සම්පතයා ගත් කටටම කිවුවා අපේනම් නෙවෙයි අන්කල් කියලා.අයේ මොන කතාද අන්කල් කාරයා සම්පතයගෙ ඔළුවේ ඉඳලා කකුල් දෙක ගාවටම බැලුවා.මාත්  නිකමට වගේ ඒකගෙ දිහා හැරිලා බලනකොට තමයි දැක්කේ මේකගේ ඔලුවේ තැඹිළි  මල් වත්තක් වගේ.තැඹිළි මල් ගොඩ.ඒ මදිවට් මෙවුන් තැඹිළි ගහ යට සපත්තුත් දාලා ඇවිත්.
දැන්නම් මටත් සීන් එක තෙරෙන්න ගත්තා.වෙන කවුරෙත් නෙවෙයි මුන්ම තමයි  තැඹිළි හොරු කියලා.ඒ වෙලාවෙ ඉතින් මට කියන්න බෑනේ මම නම්  නිදාගෙන හිටියේ කියලා.ඒ නිසා ඉතින් මාත්  නිකන්ම ඉදලා තැඹිළි හොරෙකුත්  උනා. ....................... ආ තව ටිකෙන් අමතක වෙනවා.අර සමනා ඉස්ටෝරු කමරේ පෙරලලා හොයලා තියෙන්නෙ ගස්  යන්න ඉනිමගක්. 
                       
                                ඔන්න ඔහොමයි සිද්ධිය උනේ
                                 
 

videos

Videos

Pictures

Pictures

Music

Music